【Now財經台】日本央行本周五(26日)會公布議息結果，日圓又創34年低，一度穿155水平，除咗出手干預匯市，市場猜測本周議息會議上，日央行會唔會提及調整每月買國債額度，以支持匯價，但美元咁強情況下，其實暫時咩手段都好，效果係咪也有限？如果日央行真係出手，日圓會反彈幾多？
渣打財富管理首席投資辦公室高級投資策略師陳正犖指，現階段無論出咩手段嘅效果都有限，日本不時「出口術」，話會出手干預日圓，但一直未有實質行動，因為國際形勢不利日本出手，有鴿派美國官員嘅言論都偏向鷹派，令美債債息上升，美金走強，令日本即使出手都難以逆轉形勢，只可以處於被動狀態。
佢又話，現時日本只可以等到適合時機出手，令日圓反彈力度加大，有機會升到152左右水平。
