【now.com財經】噚日揀咗隻恒指牛(55669)出嚟，進取mode嘅快來快去爬2.5格或3.88%；而安全mode嘅則於上半場11點55分起見Slow STC(14.3)落到超賣位出出，如同平時一樣博行一趟Swing Trade就算。
如常的用10分鐘作為買入時間的話，由於時間上都幾尷尬，喺上半場尾至下半場開市頭段，所以簡單啲當下半場開市返嚟先至入隻(55669)，即按1點至1點10分，(55669)期內高低位做過0.067元/0.063元計，平均買入價為0.065元。
繼續用返Swing Trade方法的話，即等Slow STC(14.3)上返去超買位就可以啦！如是等下半場開市後見Slow STC(14.3)保持上行，只係指數喺五分鐘圖上被收窄咗嘅保歷加通道限制咗上落嘅幅度。及至1點20分，Slow STC(14.3)兩線已經上返去超買至嚴重超買範圍，情況持續至2點5分嘅，換言之喺呢段時間走(55669)就符合咗完成一趟Swing Trade。
同以期內(55669)高低位做過0.071元/0.067元計，平均走貨價為0.069元，呢一趟比朝早進取mode出動所需嘅時間更短，但平均爬到嘅格仔更多，為4格或6.15%。
臨近月尾，望望今個月嘅【月度報告】，還好仍然維持正個月正數收入，不過今個月比較多少於10%以下嘅平均賺幅，扣除因交易而產生嘅費用的話，七除八扣唔係剩好多，但都仲有餐茶執到嘅，至少正數先啦，係咪？！
今朝指數低開50幾點，本以為恒指真係受制於日線圖嘅「長方形」頂線，開市初期都見指數於低位徘徊，但喺9點55分時，五分鐘圖上就見到架啦，忽然一棍抽高，一抽抽到指數1喺10點初段過17,300點，將第一層熊證街貨17,200至17,299點全數收回，呢層有相當於857張期指街貨。檯頭再向上望埋嗰堆熊證嘅話，由依家最貼價嘅17,300至17,399點起計向上數四層，每層都有過千張期指街貨喺度。
時近月尾，雖然唔係季結，但都要準備一下月結嘅，恒指牛(55847)，收回價16,511點，同現價有逾715點，已經係市場上最貼價嘅牛證，同時亦都係槓桿最高嘅牛證，有約24.97倍，成交活躍都係賣點之一。
依家10點24分，指數於高位徘徊中，五分鐘圖上踩返落10線但已經有似想再去過，追上的話注碼上控制一下；進取同安全mode同噚日嘅玩法一樣。
作者阿珊，以技術分析專心玩輪證，唔貪心，努力賺取我家肥貓罐罐。
Patreon新增內容《開市前速報》，七日免費試用：https://www.patreon.com/join/cbbcwar
