【Now財經台】天齊鋰業(09696)股價逆市破底，AH兩股齊齊急插。天齊料盈轉虧蝕逾36億，公司歸咎嘅其中一個原因係鋰產品售價下跌，令毛利率大幅下跌至不足85%，反映咗啲咩？大摩預料天齊有原材料庫存撥備仍未完成入帳，要繼續撥備機會係咪都大？
博威環球證券金融首席分析師聶振邦指，毛利率80%以上已經算係利潤偏高產業，呢個情況都錄得虧損，證明營運成本相對較高，如果天齊唔處理，估計未來一至兩年業績唔會理想。
聶sir續指，新能源汽車不斷有減價戰，反映行業可能有產能過剩情況，除非鋰電池喺新能源汽車以外有非常廣泛嘅用途，或新能源汽車產業有明顯銷量改善，天齊先可以有改善狀況，所以估計天齊第2季撥備壓力會大。
