【now.com財經】噚日揀咗隻恒指牛(55551)出嚟，借好小時圖100/150線而出呢注好倉，平均買入價為0.0525元。喺噚日【輪證下半Part】見指數上到16,800點樓上之後，(55551)唔貪心可以先行離場，或者五分鐘圖守住中軸線就繼續Hold住。
就當大家都係貪心鬼，(55551)繼續hold到噚日下晝2點2分到，見指數成粒燭低於中軸線之下，(55551)算是響起走貨訊號，嚴守策略之下(55551)應該起身。
如同平時一樣以10分鐘作為走貨時間的話，由2點20分起計10分鐘，(55551)期內高低位做過0.058元/0.056元，平均沽貨價價為0.057元，呢一趟陪指數散步四個鐘(包埋食飯時間)，平均執4.5格或8.57%，又執到杯珍奶飲啦。
望望月曆，下個星期就到5月，即係傳說中「五窮六絕」；再加上噚日戰友分享咗由下個星期一(4月29日)晚11點幾凌晨劇又做「秋官」，隨時又「巨浪~ 捲起朱千雪~」(不過今次係做《笑看風雲》)
距離5月都仲有成個星期嘅，恒指今朝開市再升164點，報16,693點，乎似想拉到上17,000點高位之後先至再向下回，日線圖上早排已經畫定「長方形」出嚟，頂線位大約見17,190至17,214點，以依家9點40分，恒指完用咗大約50點做高開低走嘅動作後又返番去開市口價計，怕且今日17,000點唔企穩都要到一到；話口未完指數已經破17,000點，將熊證首兩層街貨全數收回，呢兩層夾埋有相當於960張期指街貨，再上的話，17,000至17,099點都仲有712張期指街貨，唔少架。
不過睇到依家，仍然都係有啲擔心小時圖會喺高位出「穿頭破腳」，所以今日就算出隻恒指牛(55669)，收回價16,469點，市場上最貼價牛證，但都同現價有538點嘅距離，槓桿拉盡有約30.37倍，所以呢隻嘢街貨多咗少少，有約17.43%，但唔過20%都還可以接受啦，反正都係Day Trade嘢啫。
作者阿珊，以技術分析專心玩輪證，唔貪心，努力賺取我家肥貓罐罐。
Patreon新增內容《開市前速報》，七日免費試用：https://www.patreon.com/join/cbbcwar
