【Now財經台】美國周五(26日)公布3月核心個人消費支出價格指數(PCE)。綜合市場預測，3月核心PCE料按年升2.6%，較2月份2.8%輕微回落。
獨立市場策略師陳俊文表示，聯儲局一向以核心PCE評估通脹，當局最新預測今年底會跌至2.6%。佢認為6月議息會議前仲有2次PCE數據出爐，如果3至4月PCE維持輕微下跌，聯儲局仍有可能因為通脹達標而喺6月開始減息。
Norman續指，3月份PCE數字當中，最難估計住屋通脹嘅變化，尤其係業主等價租金(Owners’ equivalent rent)呢樣衡量租屋成本變化嘅指標，因為波幅較大，而且數據滯後約1年，如果繼續高企就會拖慢PCE回落速度。
