【Now財經台】日本央行周五(26日)公布議息結果,市場關注央行會否對日圓弱勢有更多睇法,甚至出手壓制日圓匯率進一步向下。
根據《彭博》資料顯示,對沖基金及資產管理公司押注日圓走弱嘅合約已經去到破紀錄水平。市場對日圓睇法相當淡。日圓亦繼續迫近155兌1美元水平,155呢個位係咪久守必失?
獨立商品外匯分析師林銘添預期,日央行今次好大機會維持利率不變,如果議息會議後冇提出即時措施改變貨幣政策,相信美元兌日圓有機會升穿155,並上試156至157水平後喘定。
Martin續指,市場預期歐洲央行同英倫銀行將於6至8月開始減息,認為會間接影響日圓弱勢,稍後如有調整,料日圓匯價喺152至151.7有支持。