【Now財經台】毫子股中華銀科技(00515)連年虧損、資不抵債，上周周五(19日)又話要「撲水」還債，擬向4名投資者大折讓配股，連同今年初配股所得約1100萬元，料共籌得逾4000萬元。
《香港股票財技密碼》作者梁杰文認為，相對於約45億元嘅流動負債，公司籌得幾千萬元係杯水車薪，並推測公司可能有意引入投資者到董事局。
佢指驟眼睇公司股權分散，參與兩次配股嘅投資者每人持股不足10%，但其實呢班投資者合共持股約40%，如果佢地係一致行動人士，未來有可能變成大股東，
Mike續指，同一批投資者去年曾嘗試入股公司，只係當時被股東會大比例否決，而今年兩次配股行動就更有部署，1月通過一般授權配股時唔需要經股東會表決，而今次根據特別授權配股，1月已入股嘅投資者就可以投票，因此佢覺得1月配股有「種票」可能，將股權集中喺友好人士手上後，就可以保障有足夠贊成票通過配股方案。
