【now.com財經】呢幾日落雨落到不分晝夜，明明下午時段但個天黑到好似入夜咁。依家9點18分，望出去都好似還可以，但見到天氣預告今日有90%都係會落雨，作為一個C9+住喺極度潮濕嘅地區...唉...啲衫唔乾呢...
不過，今日港股放晴，開市升186點，報16,410點，先將熊證首兩層街貨全數收回，夾埋有相當於141張期指啫，唔多嘅。到開市之後恒指奮力向，一下子高衝至暫時(截至9時39分止)嘅高位16,531點，將第三層熊證16,400至16,499點嗰413張期指都吞埋，換言之今朝指數食咗554張期指落肚；而作戰室亦已經有戰友吞咗好倉格仔落肚。
10點未到都睇咗個小時圖先，指數今早裂口高開後一下子上返去保歷加上升通道，暫時高位有見掂住保歷加頂線，同步亦見頂線有稍為向上嘅情況，Slow STC(14.3)兩線保持上行。
諗住開個新Browser搵隻好倉出嚟啫，指數已經一下子再向上飆到去小時圖50線，呢個位亦都係今朝作戰室mark住嘅好倉爬格仔注第二目標價水平，所以亦都已經有戰友將手上嘅好倉清得嘅清，正數落袋之後又可以返番去佢哋嘅工作崗位啦。
至於睇呢個欄嘅你，如常用返小時圖做Trade啦。今日見新上市嘅牛證最貼價出到16,200至16,299點呢個範圍，依家9點56分恒指報16577點，升357點計，企返去16,100或16,000點呢啲位都真係安全嘅。
恒指牛(55580)，收回價16,160點，同剛剛mark住嗰口價相距417點，槓桿依家見有約30.2倍，都夠做Day Trade架啦，剛好10點指數亦剛剛上破16,600點，(55580)進取直出的話，留意小時圖嘅保歷加通道口拓闊，唯同時亦進入50/100/150線三線位，逐線向上打唔係問題，問題係打唔打到啫，爬格仔注試下先啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon新增內容《開市前速報》，七日免費試用：https://www.patreon.com/join/cbbcwar
