【Now財經台】本周美股科企七雄(Magnificent 7)中有4隻公布業績，包括Facebook母企Meta、Google母企Alphabet、微軟(Microsoft)、美國電動車龍頭Tesla。
Tesla股價喺周二(23日)盤後出成績表前，已經跌穿150美元。根據《彭博》綜合分析，市場普遍預測集團純利大跌42%至14.7億美元，毛利率跌至近3個百分點至16.5%。此外，集團喺美國同中國再有減價行動，令市場憂慮集團今年毛利率會大跌。
星展銀行(香港)豐盛私人客戶執行董事鄧威信預期，Tesla股價短期內好有可能跌穿埋100美元大關。佢稱Tesla最近1年每季毛利率一直下跌，市傳集團決定全球裁員逾10%，正正反映Tesla自己都認為公司失去以往強勁增長動力，未來毛利率會受到好大壓力，唯有透過裁員控制成本。
