【Now財經台】「造車新勢力」中嘅理想汽車(02015)股價今日(19日)一度挫8.5%，差少少就失守「紅底股」，主要係昨晚(18日)發布嘅新車L6被大行潑冷水，指冇驚喜之餘又定價太高。理想會唔會仿傚小米集團(01810)嘅策略，即「蝕頭賺尾」，還是有本身嘅策略？
註冊財務策劃師協會會長黃敏碩就認為，由於蔚來(09866)及小鵬汽車(09868)早已倒下，理想就相對做得好，仍可以透過低價或減價策略保住市佔率。不過，市場都關注品牌背後嘅生態圈，點樣推動技術發展。
至於小米及華為殺入汽車市場，可能會令人質疑佢哋嘅車銷情係咪咁理想，但因為品牌喺技術上領先，甚至同第三方合作，呢方面都係小米及華為嘅優勢，「造車新勢力」就會輸蝕。
