【Now財經台】年底就係美國總統大選,爭取連任嘅拜登及對手特朗普都話,要向中國電動車徵收高關稅阻止相關品牌進入美國市場,更指唔理喺邊度生產,只要係中國品牌就要徵重稅,「圍堵」中國電動車係咪已經係美國各界嘅共識?
利達LW基金首席投資及ESG策略師黃耀宗認為,基於近年中美關係及保護主義,受影響其實唔止電動車行業,尤其今年係總統大選年,其實都預咗參選人嘅政綱都有打壓中國嘅部署。
Andy又話,當年Tesla快速堀起,其他電動車品牌追唔上,拜登都有措施去幫傳統大廠,某程度上都睇到美國政府想保住美國電動車品牌市佔率,例如通用汽車(GM),因此,當Tesla「減速」時,美國就將焦點轉移至中國。