【槓桿致勝】資金再加注友邦好倉

【Now財經台】友邦保險(01299)股價連升兩日後，今早(19日)反覆向下，好倉連日有資金流入後，昨日(18日)轉為流出502萬元，雖然友邦股價最新向下，但好倉資金係咪都以流出為主？

瑞銀亞洲股票衍生產品銷售部李梓維指，友邦股價今早一度向上，但其後倒跌，資金選擇喺現水平再加注好倉，友邦絕對係近期最弱勢嘅藍籌，但跌至45元水平終於有支持，而唔少資金都留意貼價牛證，收回價約45元，而呢個位一直都守得住，距離現價約4%至5%，槓桿14至15倍。