【Now財經台】摩根士丹利最新發報告睇好核能，但核電始終有安全隱患，到底核電可唔可以取代化石能源，成為基本負載發電廠？此外，內地自主第3代核電技術「華龍一號」躋身世界前列，呢項技術可唔可以進軍海外?
艾德金融董事陳政深指，要成為基本負載發電廠，需達到24小時無限供電嘅要求，風能﹑太陽能等都達唔到要求，雖然依家有能源储備技術，但相比核能可直接發電，風能及太陽能明顯遜色，所以現階段要取代化石能源，核能無疑係最佳選擇。
至於內地核電技術出口到海外，佢認為以現時內地嘅核電技術發展，進軍海外唔係問題，唯一擔心係客源問題，相信已發展國家會因為安全及政治等因素，唔考慮使用內地核電技術，雖然發展中國家會因為內地可以提供價格優惠，考慮引入，但仍需考慮盟友因素。
