【now.com財經】呢幾日見外圍係咁落，應該都係美國減息預期落空單嘢有關，恒指又唔經唔覺開始講返去16,000點有無支持，今日返嚟見牛熊街貨，牛證啲貨仲多過樓下街市啲真牛，15,800至15,899點博老命坐住過2,000張期指街貨，仲有三層過1千張都已經唔係點理佢住。
但睇過日線同小時圖嘅就會見到，技術走勢上其實指數都有似出觸底回升嘅情況；按照過去街貨 VS 技術分走勢嚟講，前者贏嘅機會率都唔細。
嚟到依家9點48分，仲未見恒指撲埋去堆肥牛度，見佢上上落落咗都唔知幾多次，同步喺五分鐘見指保歷加通道口收窄，唯獨是一條大約喺16,25X點嘅量度線尚算畫得到。
真係喺作戰室Plan定淡倉追殺重牛，中途有啲心急出咗淡倉但最後都係失敗；唔緊要，衰心急呢啲心理質素嘢唯有喺作戰室裡面咼戰友用吹水嘅方式捱過要等但手痕嘅時間。差不多10點，五分鐘圖見保歷加通道口拓闊，過晒之前mark好嘅線位，反地心吸力出好倉。
小時圖10點打後亦確認得到Slow STC(14.3)兩線觸底回升，仲過埋10線，借小時圖做佛系的話，恒指牛(50110)，收回價15,850點，同現價有約370點距離，槓桿有約38.63倍，夠做day Trade架啦。
依家10點7分，借小時圖硬入可以，但留意注碼，因為隨時要alert五分鐘圖上整條保歷加通道會變變轉向上移嘅情況，咁Swing Trade就會出現，不利好倉架啦。
最後，Mark住喺watch list嘅SPDR金ETF(02840)，今朝開市見佢向下再靠近日線圖10線多少少，Keep住等睇佢回返落去10線見支持先至出手啦，原因呢幾日都有講過架啦，不贅。
唯另一邊廂都同時留意住中東地緣政局嘅發展，事關這邊廂市場對美國減息預期降溫，少少拉返金價向下，目前算是得返班中東王子頂住個金價架咋。
作者阿珊，以技術分析專心玩輪證，唔貪心，努力賺取我家肥貓罐罐。
Patreon新增內容《開市前速報》，七日免費試用：https://www.patreon.com/join/cbbcwar
