【Now財經台】兩年前爆發俄烏戰事時，國際油價一度衝上每桶100美元以上，近期中東局勢升溫，有分析員估計，油價有機會再升至100美元，不過，ING指出，伊朗作為石油輸出國組織(OPEC)主要產油國，若因為戰亂導致供應減少，OPEC有計劃動用備用產能穩定油市，因油價過高會打擊需求，油價要升上100美元係咪有一定難度？
iFast Global Market副總裁溫鋼城認為，油價未必咁容重上100美元，因為美國總統拜登(Joe Biden)擔心油價波動，會出手穩定以色列及伊朗局勢，控制以色列唔好有過激反應，避免「一拍兩散」。
Harris又指，今年係美國大選年，若特朗普(Donald Trump)當選，油價有機會回落，因為佢係支持減息，如果聯儲局要減息，通脹就唔可以喺高水平，油價亦唔可以太貴，因此，油價未來好大機會正常化，唔建議投資者博油價會升穿100美元。
