【Now財經台】年初至今,環球各市場房託(REITs)表現各異,當中日本跑贏澳洲、英國、美國等市場。
香港大學房地產及建設系客席副教授楊書健認為,日本房託表現仲好過當地主要指數,係因為3月經濟數據印證日本正走出通縮,而引來資金追落後。
另一個有得升嘅澳洲房託亦跑贏當地股市,Victor分析指,除咗因為澳洲央行可能早過美國減息嘅市場預期,主要受惠於全球持有多個物流物業嘅嘉民集團(Goodman Group)房託股價急升。佢續指,商業地產市場尚未復甦,相反商界對物流倉嘅需求一直存在,唔少投資者因此轉為關注物流物業。