【Now財經台】地緣局勢持續升溫，伊朗喺剛過去嘅周末向以色列發動襲擊，進一步推高商品價格，《彭博》大宗商品現貨指數升至近7個月高位，現貨金價一度高見每盎司2431美元嘅歷史高位，但爆發衝突後，金價自高位回落。高盛將金價年底預測上調至2700美元，係咪可以到價？
MAX Online亞太區業務總監杜浩霆指，近期同美國唔係太友好嘅國家，都少揸美元轉揸黃金，金價年底上唔上到3000美元？佢認為需時醖釀，投資者唔應該忽視上周五(12日)喺襲擊前嗰浸獲利平倉，當時令金價急跌約100美元。Perry又話，短線而言，金價有可能落返10天、20天線，上方阻力約2380美元水平。
