【Now財經台】伊朗於本港上周日(14日)凌晨，對以色列發動無人機和導彈攻擊，不過，以方成功攔截大部分攻擊。中東緊張局勢引發避險資金流入美元、美債，金價再創新高。
中信銀行(國際)首席經濟師卓亮認為，早前烏克蘭攻擊俄羅斯煉油廠已經刺激國際油價上升，並指如果以色列同其他中東國家關係進一步惡化，將對原油市場產生直接影響。
倫敦布蘭特期油上周五(12日)就曾升穿每盎司92美元，油價進一步飆升，會否引發通脹急升甚至環球經濟衰退？
Tristan相信，除非油價短期升至3位數，同時原材料、食品等大宗商品價格持續上升，否則，油價唔會係阻礙通脹回落嘅關鍵因素。佢又指，各國通脹表現分化，雖然美國通脹反覆，短期內好難回落到聯儲局嘅2%目標，但歐洲方面回落勢頭較穩陣，歐洲央行亦表示今年中減息機會仍然好大，現時中東局勢未至於會影響減息進程，拖累全球經濟復甦。
