【Now財經台】業聚醫療(06929) 上月出咗全年業績，上市逾1年錄得唔錯增長，公司提及改變上市集資用途，集團2022年上市時集資3.66億元，但只係用咗少部分，仍有2.96億元仍未動用，集團指，會重新分配資金喺生產基地建設及翻新用途，並會放棄新一代COMBO雙療法支架產品，重新分配資金用途點配合公司發展？投入新生產基地嘅款項，由原來1.49億元增至2.25億元，而且要2027年先投入營運，集團點控制投入的風險及準備？
業聚醫療執行董事兼營運總監劉桂禎指，公司產品銷量每年斬持續遞增，所以非常關注產能問題，一直優化深圳廠房生產流程，是為配合日後需要，去年6月購入1幅位於杭州，面積約2萬呎嘅地皮，用作未來研發及生產基地，預期投資4.3億元人仔，為集團提供額外240萬產能。
此外，新生產基地落成需要唔同國家嘅監管機構審批及檢測，先可以正式投產，因此，估計2027年開始投入生產，公司會喺呢段時間做好業績，爭取定單，亦會準備好生產人手及財務資金。
