【now.com財經】如果上星期請咗星期二、三同五呢三日假，自組由3月28日開始一直放到今日先至返工，復活+清明10日假期完結後，今日係咪有啲長假期症侯群呢？
恒指今日似乎都意猶未盡，開市迷迷糊糊先跌73點，報16,650點，以今日牛熊證街貨計，擺位上指數算是企係牛熊街貨嘅中間；點數上，你當佢偏向牛證啦，因為呢口價同中間位爭廿點都無，不過見下方牛證多過熊證...作戰室先計劃第一注淡倉比出，唯如常用五分鐘同一小時圖度過之後，呢注淡倉都係以快打慢為未，未見指數咁有決定向下殺落去16,300至16,399點嗰17XX張期指街貨層。
如常的睇呢篇文嘅你，我哋用返小時圖去睇啦。仲有五分鐘先至到10點，今朝指數暫時都被10/100線宣50/150線咁樣卡住，Slow STC(14.3)兩線又擺位見50/49，真.中軸位；換個保歷加通道見平衡中，睇嚟都係要等佢磨一陣。
10點打後見指數跌幅似乎有再收窄多少少，不過喺圖上畫到個「三角形」出嚟，而依家10點6分見指數仍然咬住16,70X點呢口價，亦都同100線/「三角形」頂線約16,712點相約，唔過線位出淡倉的話，由於受到「三角形」底線向上嘅影響，即使比淡倉但底線向上亦會收窄淡倉嘅賺幅。
換番個五分鐘圖出嚟見指數依家同條保歷加中軸博鬥中，Slow STC(14.3)，幾分鐘後線已過，作戰室好倉已有；但呢度用小時圖嘅話，變相依家先至開始等指數睇過唔過中軸。
咁唯有兩手準備，恒指牛(52836)係比過到嘅，收回價16,300點，同現價有約380點，避開高街貨裡面搵高槓桿嘅證啦；如果唔過線就用恒指熊(52749)，收回價17050點，戙見價有約370點距離，相同收回價中避開高街貨之選。
BTW，今日開始逢星期一同五下晝2點半，新城財經台以音會你。
作者阿珊，以技術分析專心玩輪證，唔貪心，努力賺取我家肥貓罐罐。
Patreon新增內容【開市前速報】，七日免費試用：https://www.patreon.com/join/cbbcwar
