【Now財經台】港股今日(5日)走勢反覆，交投亦十分淡靜，不過，朗廷(01270)今日復牌逆市狂飆，一度炒高逾60%，集團周三(3日)停牌，當日收市後公布大股東鷹君(00041)計劃將公司私有化，並會撤銷上市地位。雖然朗廷估值遠低過帳面值，市盈率(PE)2.5倍，但市帳率(PB)僅0.3倍，交投一向較為淡靜，朗廷成功捱過3年疫情，去年業績顯著反彈，點解鷹君想喺呢個時候私有化朗廷？
耀才證券研究部總監植耀輝指，雖然朗廷去年業績反彈，但股價一直冇起色，今年1月更見過上市新低，集團去年多賺逾倍，但冇派息，令投資者失望，所以私有化消息一出股價就有咁大反應。
Stanley又指，朗廷本身街貨唔多，加上市值較細，大股東可以趁市值仲喺低位，以較相宜嘅價錢私有化。
