【Now財經台】近日，有多個消息來源指，人民銀行將會以下場購買國債方式注入流動性，被市場解讀為人行或快將啟動量化寬鬆政策，即「中國版QE」，甚至美國聯儲局嘅現代貨幣理論(MMT)，即無限量印銀紙支持政府開支，喺呢個情況下，邊類股份最受惠？
冠域商業及經濟研究中心主任關焯照指，「中國版QE」背後重點係撐基建，但由地方發債，所以人行或會喺二手市場透過銀行或商業機構買債，之後再回套，直接撐基建。佢又話，QE跟MMT最大分別係，後者直接支持政府開支，可能將支出債務或貨幣化，前者就涉及埋商業債市，但暫時未見相關做法。
關博士又話，若內地行MMT，資金買債後會流入基建項目，基建股就會受惠，中國交通建設(01800)及中國中鐵(00390)等本身較呆滯嘅股份，一旦有呢啲刺激措施，就可以增加收入，加上現時息率有7厘以上，相對抵買。
