【Now財經台】錦欣生殖(01951)上周三(3月27日)出咗去年業績，收入增長18%，純利更大升1.8倍，其實呢份業績算靚仔，不過，招銀國際照狠削目標價40%，由7.35元劈至4.43元，點解業績唔差都要劈價？
元宇證券基金投資總監林嘉麒認為，可能同估值有關，依家錦欣市盈率(PE)約20倍，所以今年業績未必錄得顯著增長，大行考慮到估值問題，唔會將未來12個月嘅目標價定得太高，不過，錦欣現價只係2.4元，其實大行已經好進取，仍願意比30倍，甚至更高PE。
KK續指，見到好多公司就算基本因素理想，大行都唔敢畀生物科技板塊太高估值，所以下調目標價都好常見，由於市場對估值高股份憧憬唔大，因此，即使有政策消息配合都炒唔起。
