【Now財經台】首季表現最差嘅商品期貨天然氣期貨大跌逾30%，歐洲天然氣期貨跌至逾5個月低位，跌穿每兆瓦時30歐元，雖然天然氣價仍比2022年俄烏戰事爆發時高，但比高位已顯著回落，到底各國係咪已經成功解決供應問題？
獨立商品外匯分析師熊俊傑指，無論係歐洲定美國，全球天然氣需求都係減少緊，各國現時庫存量都係較高。除咗需求減少之外，美國液化天然氣出口終端開發商(Freeport LNG)其中1個液化裝置，因電力問題暫時關閉咗，而另外兩個液化裝置，之後都需要進行維修，相信要到5月左右先有機會解決到天然氣問題。
