【Now財經台】美股3大指數第1季齊向上，繼續呈破頂走勢，展望第2季，市場除咗繼續關注美息及通脹走向，美企業績仍然做得唔錯，而人工智能(AI)概念繼續帶領唔少股份向上，睇返美股過去10年嘅第2季表現，係8升2跌，係咪意味今年第2季牛市仍然可以持續？
瑞銀財富管理投資總監辦公室大中華區股票主管李智穎指，美國經濟情況的確係理想，相信通脹係唯一嘅憂慮，但如果仔細去睇返數據，會發現高息開始令經濟放慢咗，正正係市場預期美國下半年會減息嘅原因。美股升咗咁多主要係受惠於AI，可以睇到一啲非AI嘅股份表現其實唔係太好，而近期有美國重量級運動用品品牌今年嘅預測係負數，係公司因應經濟放慢作出嘅判斷，所以應該拆開AI及非AI去睇。
至於美息第2季走勢會唔會影響美股表現，Eva估計，美國6月會開始減息，預期有3輪減息行動，所以聯儲局第1次減息行動會喺第2季尾出現。美元走勢方面，李智穎就話...
