【Now財經台】阿里巴巴(09988)近日接連有動作，除咗昨晚(26日)突然宣布撤回菜鳥嘅港IPO申請外，旗下高鑫零售(06808)董兼首席執行官林小海亦辭任，會調返阿里另有任務，消息刺激高鑫股價今日(27日)一度飆逾13%，令市場揣測阿里賣出售實體零售資產嘅機會愈來愈高，過去半年，阿里不斷出售股票資產，係咪要集中火力做好核心業務？
元宇證券基金投資總監林嘉麒指，阿里嘅非核心業務同國策息息相關，其實集團有盲目擴張之嫌外，亦係一家跟國策走嘅科技企業，由於依家大市及自身業務表現都唔理想，所以呢啲業務係應該剝離。
KK又話，阿里依家主攻網購平台，希望進一步提升市佔率，而實體店對公司嚟講亦冇乜作用，當年阿里計劃採取網上及實體並行嘅策略，但睇返高鑫嘅情況，即使派高層去負責管理都搞唔掂，所以賣走零售資產嘅機會係頗大，但相信好難賣到好價，所以唔好期望財務上會有得益，賣走呢啲資產只係想重新聚售核心業務。
