【Now財經台】日圓仍是今年以來表現最差嘅G10貨幣，累跌逾6%，最新喺151水平徘徊，日本央行上周17年以來首次加息，但又指寬鬆環境重要，亦會繼續買國債，市場形容今次係「鴿式加息」，係咪反映日央行都樂見日圓偏弱？
獨立商品外匯分析師林銘添指，日央行唔會希望日圓弱，因為會影響出入價格，令通脹難以回落，所以就喺上周加息，雖然幅度唔大，但反映日央行繼續關注日圓匯價，唔想日圓過分弱勢。
佢建議投資者留意152水平呢個大位，因為呢個位係日央行最大機出手干預嘅位置，喺依家美元持續偏弱下，市場有機會繼續沽空日圓，令日央行出手干預，但就算有行動，日圓都未必會大升。
