【Now財經台】樓市全面「撤辣」就快「滿月」，市場之前認為「撤辣」後會出現沽貨潮，到底係咪好多人趁機沽貨套現？
成家網上投資課程導師徐冠鴻指，睇返第3者放盤平台網站，放盤係冇乜增加，而冇打算放盤嘅業主亦冇突然想走貨，代理總放盤量亦都冇明顯增加，反映「撤辣」後冇因為放盤急增進一步推低樓市。
至於「撤辣」約1個月成交有咩變化，諗Sir就話，一二手交投係平衡咗，新盤市場成交靚仔，去年成交約1萬至1.1萬宗，但今年頭兩個月約2000宗，今個月未完已經超過3000宗，今年第1季成交已等於去年一半，點解話一二手成交平衡咗，但一手又特別亮麗？因為有啲二手買家真係想短炒摸貨，或者短炒獲利，反映依家在一二手都各有粉絲。
有數據顯示，十大屋苑成交按周少咗32%，但仍維持雙位數成交，如果二手已慢慢活躍返，係咪好快會重返「撤辣」前水平？徐冠鴻指，未來再聚焦十大屋苑成交未必太適合，因為...
