【Now財經台】泡泡瑪特(09992)今日(20日)中午出咗業績，去年多賺1.2倍，派末期息28.21分人民幣，如果拆開上下半年睇，下半年增長顯著加快，下半年收入逾40億元人仔，較上半年升24%，內地消費持續疲弱，點解泡泡瑪特似乎唔受影響？
南華金融集團副總裁莫灝楠認為，由於2022年底仍受疫情影響，導致零售股銷售基數低，但隨著疫情過去就出現反彈，表現亦好過預期，加上泡泡瑪特產品單價唔貴，消費者都會願意購買。不過，呢份業績其實唔算好標青，只係好過市場預期。
佢續指，相信線下零售店嘅爆發力會較強，例如內地商場會有機械人售賣泡泡瑪特嘅商品，返去實體店做零售時，自然會令疫情期間上升嘅品牌，線上銷售收益會出現增長放緩，甚至倒退嘅情況，所以最終都係要睇實體店。股價方面，Casper認為，泡泡瑪特有機會突破近半年嘅阻力位，因為…
