【Now財經台】快遞龍頭順豐旗下順豐房託(02191)上周派咗去年成績表，順豐房託行政總裁翟迪強喺業績記者會上提及，物業空置率輕微上升，租金亦有下調壓力，但睇返集團份業績，收入仍錄得增長，係咪租金壓力仍未浮現，但係咪今年或今季可能會面對嘅挑戰？
翟迪強指，對於公司嘅情況，不論好壞都會講，好嘅意思係公司租金收入穩定，唔好就係要面對壓力，主要係內地供求問題，原因係新供應多令租金受壓，但僅佔公司整體收入30%，反觀香港方面仍十分穩定，因此，有信心今年可以交到一份好成績表。
未來發展及收購方面，翟迪強指出，由於利率高企，做收購時計數方面必須十分小心，但物流行業始終仍處於增長階段，尤其內地仍錄得雙位數增長，對整體物流地產行業會有一定支持。
