【Now財經台】內地昨日(13日)流傳1份支持創新藥發展實施方案文件，消息刺激泰格醫藥(03347)股價飆逾20%，反觀同業藥明生物(02269)繼續面對美國《生物安全法案》危機，康龍化成(03759)自從去年業績爆雷後，股價一落千仗，泰格係咪可以趁勢突圍？
艾德金融聯席董事陳政深指，泰格本身估值唔貴，成本控制亦做得唔錯，雖然工資及研發開支佔比呈上升趨勢，但其實呢個問題整個行業都面對緊，泰格之前因收購、Pre-IPO投資導致虧損，所以投資者要加倍留意。
Ryan又話，如果投資者想將部分資金買醫藥板塊，泰格係有一定吸引力，不過，若單純回購A股只會係短線催化劑，未必可以推動股價長升長有。股價方面，泰格下一個阻力位睇36元，如果可以突破呢個平台區，下一站睇48元，但技術上已經超賣，唔排除股價短期內會回套。
