【Now財經台】截至早上11時止，1小時內《彭博》用戶搜尋量最多港股，依次為紫金礦業(02899)、路勁基建(01098)、友邦保險(01299)、中國石油化工股份(00386)、中國石油股份(00857)。
隔晚油價升近3%，但倫敦布蘭特期油及紐約期油未見出現突破，最近資金輪動，資金流向經濟股，不過，油股調整幅度唔大，會唔會已經錯過咗回調買入時機？油價又再度橫行，後市有冇機會突破？
椽盛資本投資總監曾永堅指，睇返環球需求面及中東地緣政治風險，估計紐油暫時會喺每桶70至85美元上落，有利石油業務比重較高嘅中國海洋石油(00883)及中石油，未來要留意收益及盈利表現，明確度及穩定增長能力基礎較高，可以支持較高嘅派息比率。
Jaseper又話，依家中海油及中石油預測息率約7厘及8厘，未來如果中央繼續推進「中特估」主題，增加分紅比例，相信呢兩隻股份喺現階段，或調整期間都值得吸納做中長線部署。
