【Now財經台】截至早上10時45分止，1小時內《彭博》用戶關注度上升最多首5隻港股，依次為碧桂園(02007)、吉利汽車(00175)、快手(01024)、建設銀行(00939)、華潤置地(01109)。
市傳碧桂園未能如期償還旗下1隻境內債券利息，金額高達9600萬人仔，內媒引述集團回應指，因為銷售恢復情況不達標，資金調撥有壓力等，還息資金未到位，但稱將盡最大努力喺30日寬限期內籌措資金。不過，今朝碧桂園股價偏軟，平開後半日最多跌近5%，未見好大沽壓。
資深證券分析師彭偉新預期，碧桂園好大機會搞唔掂，最終可能又要中央出手。佢分析指，雖然集團有逾200項目或納入白名單，代表有能力保交樓，但亦間接反映冇盈利能力。集團1至2月合同銷售金額皆見高雙位數跌幅，繼1月按年跌75%，2月更跌85%，偏偏公司唔可以動用以白名單項目名義借來嘅資金，可謂杯水車薪。
