【now.com財經】上個星期五(3月8日)下半場恒指幾乎同橫行無乜分別，但去到臨完場前見到指數忽然向下，Slow STC(14.3)兩線落返去20以下超賣範圍收市，而喺五分鐘圖上見指數整個形態行出「圓頂」；再睇小時圖，仍然被10/20線同埋50/100線夾動，呢種動彈不得嘅情況，比起今個星期個天又凍又濕更加之煩；怪不得戰友們夜晚喺作戰室裡面夜繽紛：係呀！到時到侯又會圍爐一齊睇美股、炒美股架啦。
今朝恒指開市升62點，報16,416點，喺作戰室如常的由五分鐘圖度到去日線圖，Mark起所有量度線位出嚟，其實以今朝開市價，同Mark好晒嘅上/下方最遠量度線出嚟之後睇，距離下方最遠嘅只有37點，而距離上方最遠嘅亦都只係得58點，咁挾法喺小時圖上已經見到個「楔形」唔畫線都出晒啦。
再秤牛熊證街貨，基本上由牛證儲上有過千張期指街貨開始，大家都望住牛證嘅重貨區，上個星期技術分析贏，過千張期指都唔打；嚟到今日，依家9點57分，指數喺開市後向上高衝升逾200點，一度高見16,625點，將第一層熊證街貨16,500至16,599點全數收回，呢度有相當於420張期指街貨，變成第一層熊退上到16,600至16,699點，呢度都有 596張期指街貨，會唔會再打埋上去？唔知，但肯定嘅係作戰室好倉第一注已經全線正數收割。
小時圖上亦都有畫到量度線比戰友們做參考，就係3月1日及上周一(4日)嘅「長方形」高位約16,633點左右。而截至依家10點7分，指數高位暫時見過16,625點，同條量度線只係爭8點就出上影線唔過啦；但還好喺小時圖上見指數上破咗個「楔形」。
換埋保歷加通道出嚟睇，喺小時圖上見保歷加通道整條有趨向上行嘅情況，上文講嘅上影線亦都稍為穿過保歷加頂線，下方50/100線由今朝見嘅阻力反過來變支持，只係依家指數喺五分鐘圖上行緊Swing，指數於10點12分升幅收窄至升142點，報16,492點。
比較傾向指數於小時圖上向上突破「楔形」頂線，同時整條保歷加向上，恒指牛(51494)，收回價16,150點，同現價有約392點距離，借小時圖50/100線踩得住先至好出手；當Day Trade一趟嘅話，就用返五分鐘圖嘅Slow STC(14.3)見觸底先至出手啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰室免費試用：https://www.patreon.com/join/cbbcwar
