【Now財經台】截至早上11時15分止，1小時內《彭博》用戶搜尋量最多港股，依次為快手(01024)、碧桂園(02007)、友邦保險(01299)、恒生銀行(00011)及ESR(01821)。
友邦股價今日(6日)逆市向下，已跌到接近橫行通道底部，美國減息預期對友邦股價冇乜支持，今日一度失守60元水平，其實友邦一直有做回購，但股價都係冇太大起色，反觀同業宏利金融(00945)股價愈升愈有，資金係咪湧晒去宏利？
資深證券分析師彭偉新指，過往市場將焦點放晒喺友邦身上，令友邦市盈率(PE)高過宏利，但係現時內地市場增長已不及以前咁勁，令兩間公司嘅PE出現調整，加上宏利業績理想，雖然股價係咁升，但仍相對較平，兩者有比較之下，市場開始關注宏利。佢又話，由於友邦係恒指成分股，難免受制於恒指弱勢，繼而拖累友邦股價。
