【now.com財經】噚日揀咗隻恒指熊(50917)出嚟，平均買入價為0.0565元，由於係變陣借五分鐘圖Slow STC(14,3)行Swing Trade關係，所以呢一注係唔會計入去【月度報告】，但如果有追開呢個專欄的話，(50917)應該都可以順利出場，同時目標Set喺見指數/Slow STC(14.3)落返去保歷加底線/超賣水平。
落場後指數同Slow STC(14,3)一齊向下落，唔駛等好耐，喺1點35分左右已經見到指數回落到保歷加通道底線，而Slow STC(14,3)兩線亦低於20嘅超賣範圍，呢啲位符合咗(50917)走貨條件，而今次呢個出貨位仲去到2點10分，更正嘅係指數喺呢段時間做出全日新低16,095點，而呢口價更加將16,100至16,199點嘅牛證打埋，重貨牛一死，淡倉正數更加要收割。
按1點35分起計2點10分，即符合(50917)出貨條件，期內(50917)高低位做過0.072元/0.063元，平均走貨價為0.0675元，呢一趟(50917)平均執11格或19.47%。
今朝起身腳板踩落地下感覺無噚日咁濕，但一開窗簾完全睇唔到出面，再開電視見今日濕度又係90%以上，唉~ 又係同抽濕機搏鬥嘅一日。
要搏鬥嘅都仲有個市。今朝恒指以升4點，開報16,167點；望埋今朝恒指牛熊證街貨圖，見首四層牛證嘅街貨量重到同搵命博都無乜分別，首四層裡面有三層過千張期指街貨，未過千都的都871張期指街貨。的確向來街貨 VS 技術分析的話，有八成機會係街貨贏，但依家9點56分，指數開咗市差不多半小時，喺五分鐘圖上暫時見指數仍然處於保歷加頂線至中軸運行，但留意呢個高度只有37點高，基本上粒燭兩步路就到頂線，又兩步路到中軸，暫時都係未見有走勢可言，不過作戰室有少少違反「常理」，好倉備戰中博五分鐘圖借埋噚日個走勢，睇下有無咁痴線出到「杯柄」形態；BTW，作戰室今日都罕有地開出個股好倉，追一下啫，因為市實在太無意義啦。
換個小時圖，其實今朝見小時圖Slow STC(14.3)兩線已經喺超賣水平出觸底，開市後粒燭亦都踩返住150線以上，呢個都係另一個喺作戰室比出好倉嘅原因。
恒指牛(69826)，收回價15,850點，同現價有約350點距離，槓桿約43.79倍，上望小時圖10線為第一站，下方150線止為止蝕水平可以，依家10點15分，指數升幅擴大至過百點，又係兩步路到小時圖10線添...變陣當你睇完文之後，如果過10線就比(69826)啦，如果唔係，繼續觀察住先啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰室免費試用：https://www.patreon.com/join/cbbcwar
