【Now財經台】加密貨幣比特幣(Bitcoin)價格逼近歷史高位，昨晚(4日)一度升穿68000美元水平，但最新回落至66000美元水平，今年已累升逾60%，以市值1.33萬億美元計，已經成為全球第9大資產，Bitcoin升勢咁凌厲，多或或少跟現貨Bitcoin交易所買賣基金(ETF)有強勁需求，同埋預期4月將會出現4年1次嘅Bitcoin「減半」都，到底呢波升勢會持續幾耐？
資深經濟師羅家聰表示，Bitcoin價格依家咁樣衝上去，喺一個炒作角度睇，冇理由會隨便沽。佢又認為，Bitcoin價格大升只得1個原因，就係「減半」效應，但佢認為今次係有偷步升之嫌，所以未必同之前嘅升市模式一樣，如果用其中一個方式量度，應該差唔多到高位，其實唔止Bitcoin，好多資產過去一段時間都衝高，所以Bitcoin嘅升勢係同大勢吻合。
