【Now財經台】比特幣(Bitcoin)價格繼續跑贏金價，今年以來已累升48%，據《彭博》報價顯示，Bitcoin價格今早(29日)更一度升穿64000美元，暫時連升第6日，但考慮到對上一次，即2020年5月出現4年一度嘅「減半事件」，Bitcoin喺減半前1年及往後1年，價格都會爆升，Bitcoin價格未來會點行？
亨達集團助理總經理羅明立認為，Bitcoin依家仲有水位比投資者入，但未必適合所有投資者，因為投資Bitcoin要預咗坐過山車，價格隨時會急挫20%至30%，若投資者唔扣好安全帶，損失可以好大。
