【Now財經台】截至早上10時45分止，1小時內《彭博》用戶關注度上升最多港股，依次為新鴻基地產(00016)、信義光能(00968)、港交所(00388)、新世界發展(00017)及萬科企業(02202)。
信義光能(00968)公布去年業績，純利按年增長10%至約42億元，收入增長近30%，股價今日(29日)一度飆逾24%，高見4.75元。光伏玻璃市場去年出現供過於求嘅問題，但下半年業績反映有轉勢，最壞情況係咪已過？
富昌證券聯席董事譚朗蔚指，行業過往有好多不利因素，但信光股價去年下半年有回穩跡象，令市場多咗憧憬，加上增加派息，反映咗公司嘅價值。
信光今日爆升後應唔應該追入，佢建議投資者要審慎，即使單日升得靚，但產能過剩問題，以至整個行業包括太陽能玻璃、浮法玻璃同內房、基建需求係咪會持續都有關，所以要保持中性睇法。
