【Now財經台】日本今早(27日)出咗1月通脹數據，核心消費物價指數(CPI)升幅放緩至2%，但仍高過市場預期，符合日央行目標，令市場押注日央行最遲6月，甚至之前會結束負利率政策，日本2年期國債息升至2011年高位，嚟緊仲要留意工資薪酬談判「春鬥」係咪連升第2年，日圓會升到邊個水平？
連連STAR FX總經理陳欣認為，「春鬥」係十分重要，因為日央行曾提及，若今年工資增長理想，就可以提升當地消費力，透過消費繼續谷起經濟，唔使再行超寬鬆貨幣政策，日圓有機會出現唔錯嘅反彈。
不過，要留意美國聯儲局係咪咁早減息，由於美債孳息持續高企，導致日圓持續弱勢，限制咗日圓上升空間。
