【Now財經台】內地上月遊戲市場收入按年增長1.2%，但按月跌2%，騰訊控股(00700)股價今日(27日)都要跌，較受市場受歡迎嘅CALL普遍價外約30%，行使價介乎370元至380元，槓桿7倍至9倍，較貼價嘅CALL行使價320元，槓桿7倍，邊款產品較值博？
元宇證券投資總監林嘉麒指，若要博短期反彈，揀貼價少少嗰款CALL較值博，同埋一啲年期長少少會更好，始終時間值損耗快，留意到騰訊股價過去一段時間都喺300元水平徘徊，似乎較難突破，所以可以揀貼少少，約4至5個月後到期嘅CALL值博率高好多。
