【Now財經台】渣打集團(02888)去年信貸減值按年減少39%，但商譽及其他減值大增1.3倍，其中，內地商業房地產業相關減值2.82億美元，此外，由於於渤海銀行(09668)帳面值下降，亦做咗8.5億美元減值。早前，滙豐控股(00005)出業績時，都提及要為交通銀行(03328)做大額減值，令市場大感意外，市場都擔心要繼續減落去。再睇返渣打嘅情況，減值危機又有幾大？
紅蟻資本投資總監李澤銘指，渣打嘅危機唔算大，渤海銀行同交行比較相差好遠，始終滙控持有逾19%交行股權，交行相對滙控嚟講資產係大好多，同埋今次減值係無聲無息，滙控係以聯營公司入帳，其實可減可不減，因為唔係因應交行股價升跌來重估價值，而係要獨立評估，今次突然減值30億美元的確令市場意外，但相信只係一次性。
Alan又話，對大型銀行嚟講，不論交行或渤海銀行，暫時都見唔到好明顯嘅危機，減值未來亦未必會頻頻出現。
