【Now財經台】人民銀行昨日(20日)大手減5年期以上貸款市場報價利率(LPR)，減幅大過市場預期之餘，更加係歷來最大，內房及內銀股今日(21日)都承接到噚日嘅升勢，但內險股要到今日先有反應，其中，中國平安(02318)一度大升9%，迫近37元，點解平保升幅會大過其他內險股？
元宇證券基金投資總監林嘉麒表示，減5年期LPR可以令內地債價上升，因為早前內地銀行減咗存款息，加上減咗LPR後，由於高息產品唔多，令資金重投債市，而平保揸住唔少投資級別以上嘅高風險產品，帶動投資收益率向上。
KK又話，睇返今日成交及A股整體表現，平保股價繼續向上嘅機會較大，長遠而言，股價有機會升穿100天線，甚至升至40元水平。
