【Now財經台】國際金價同美國聯儲局嘅動向息息相關，美國2022年初啟動加息周期後，金價就由每盎司2000美元水平跌至同年9月嘅1600美元水平，原因係黃金投資價值大減，不過，自從局方「放風」話停止加息後，金價就上返2000美元水平。花旗更唱好金價，指2025年前有力挑戰3000美元，金價真係可以見3字頭？
東亞銀行首席投資策略師李振豪認為，要視乎減息次數，從息口角度睇，聯儲局要減好多次息先可以推升金價，因為局方預期今年減息0.75厘，即使下個月真係作出調整，都只係加1厘，如果以0.75厘至1厘作為今年減息幅度，乘以之前金價嘅區間，得出金價合理水平係2070美元，若聯儲局今年唔會大手減息，金價可以睇2070至2100美元水平。
