【槓桿致勝】小心滙控放榜後引伸波幅跌

【Now財經台】滙豐控股(00005)將於今日(21日)中午出業績，股價喺放榜前再衝上1個月高位，高見63.45元，今朝多唔多投資者做績前部署？

中銀國際證券衍生產品部董事朱紅指，滙控即將出爐嘅業績，焦點落在派息政策及回購，市場亦關注管理層對今年息口走向嘅睇法，因為美國聯儲局應該唔會咁快減息。

佢估計，基於假期因素，最近唔係特別多資金流入，投資者留意嘅投資工具都相對少，但佢提醒，若滙控業績符預期，引伸波幅有機會向下，冇貨嘅投資者不妨先等等，有貨投資者就要留意業績表現。