【Now財經台】創業板股靛藍星(08373)復牌，集團公布股權易手兼提全面購(General Offer，GO)，集團於2017年上市，喺新加坡做鋼筋混凝土工程，其實早於2021年已經出過通告，指主席兼行政總裁及配偶有意出售股權，相隔兩年，終於揾到買家，要約價每股0.065元，較停牌前折讓約3%，值得留意係，今次出價較2023年9月底止，每股資產淨值(NAV)0.225元，折讓逾71%，出手似乎較低，對小股東係咪唔著數？
《香港股票財技密碼》作者梁杰文指，相信係因為靛藍星股價及估值一直偏高，加上股權始終唔算太集中，所以一直吸引唔到買家，不過，睇返今次出價，賣家似乎係要錢唔要貨。
Mike又話，依家靛藍星NAV逾0.2元，對比要約價0.065元係有溢價，而買方須提全購，以全購價錢向小股東收購股份，但依家個價比買家壓低咗，對小股東嚟講，作價咁低的確有可疑，因為交易作價應該要反映公司潛質或NAV先至公平合理。
