【Now財經台】恒指季檢會喺港股今日(16日)收市後出爐，快手(01024)成為頂頭「染藍」大熱，股價今朝反覆向上，快手CALL輪引伸波幅介乎52%至54%，定價算唔算高？
摩根大通亞洲上市衍生產品銷售部主管張智卓表示，引伸波幅定價要參考歷史波幅水平，而快手30日及兩個月嘅歷史波幅介乎50%至55%，因此，引伸波幅介乎52%至54%算係合理水平。Cedric提醒，如想減少時間成本，投資者可以考慮5倍至6倍槓桿嘅CALL，收回價40元以下，因為有逾10%緩衝。
Cedric又話，原本正股波動性高，最貼價嘅CALL僅價外30%外，槓桿唔算特別高，只得3倍，投資者就要考慮正股波動性，以及需唔需要用高槓桿產品去做部署。佢又指，如果想要高槓桿，可以考慮牛熊證，但要留意收回風險。
