【Now財經台】商務部即將推出嘅谷消費政策，會推出針對性強嘅政策措施，深化汽車消費從購買管理向使用管理轉變，提振新能源汽車、家電等大宗消費，減價或補貼係咪可以帶動消費？
信達國際研究部董事趙晞文指，「深化汽車消費從購買管理向使用管理轉變」係好明顯嘅訊號，內地新能源汽車市場滲透率愈來愈高，唔使再做購買管理，反而係著重使用管理，後續提供配套令消費者覺得用新能源車係一個好好嘅選擇，日後未必有好多財政補貼，唔會再投放咁多資源去刺激新能源汽車銷售。
至於內地推政策提振新能源汽車消費，華晨中國(01114)係咪好難直接受惠？晞文指，相對上係較難受惠，華晨基本面冇太大問題，係有條件進行戰略轉型，但如果同歐洲車廠合作，集團過去數年喺新能源汽車布局方面較慢，反而國產品牌發展速度快，華晨一直落後係因為本身嘅重組因素，同行業因素冇關。
