【Now財經台】體育用品股361度(01361)今日(5日)中午發盈喜，預告去年多賺25%，其中佔集團整體收入約25%嘅電商收入增長亮點之一。集團去年增持電商業務附屬股權至87%，而電商流水去年4個季度都維持30%以上增長，去年上半年電商收入已相等於2022年64%，全年似乎都應該有唔錯增長。
博威環球證券金融首席分析師聶振邦指，疫情期間市民培養咗線上消費模式，因此，361度發展線上業務係行啱方向，相信未來仍有增長空間。聶Sir又指，361度可能要轉型，減少門市數目，集中火力發展線上業務，有利361度控制成本之餘，亦有機會提升純利率，始終毛利率係同銷售成本掛鈎，未必同門市銷售有關，如果淨利潤率表現好，都對361度業績前景有幫助。佢又提醒，未來要留意361度會唔會有業務轉型嘅利好消息，因為有機會推升股價。
