【Now財經台】截至早上11時止，1小時內《彭博》用戶關注度上升最多港股，依次為中國恒大(03333)、萬科企業(02202)、中國海外宏洋集團(00081)、中國石油化工股份(00386)及融創中國(01918)。至於第6至10位，依次為新鴻基地產(00016)、世茂集團(00813)、藥明合聯(02268)、永利澳門(01128)及紫金礦業(02899)。
住建部1月12日提及嘅地方政府幫助房企房地產項目融資終於有眉目，綜合報道，碧桂園(02007)、龍湖集團(00960)、雅居樂集團(03383)等民營房企嘅房地產項目獲納入融資白名單。雖然措施短線可以紓緩保交樓嘅壓力，保障社會穩定以及避免斷供，但行政手法係咪治標唔治本？
富昌證券聯席董事譚朗蔚認為，白名單已經唔係第1次傳出，除非白紙黑字落實，否則，都唔會抱太多憧憬。佢又指，之前人民銀講過對房企採取一視同仁嘅處理方式，同白名單嘅消息有衝突，已經唔敢講「大到不能倒」，仍然觀望中央會唔會真係有想救嘅企業。
佢又以PP中美地債(03001)嘅交易所買賣基金(ETF)為例，1月中傳出關於部分保交樓及融資消息，但包括碧桂園在內，持有民企美元債嘅ETF就冇乜起色，情況已反映喺相關美元債，不過，因為ETF唔跌，似乎市場仍然以等待為主，股票就更加危，建議投資者持觀望態度。
